صدر بنا تو جنگ کا خاتمہ کر دوں گا، ڈونلڈ ٹرمپ کا یوکرینی صدر کو فون

واشنگٹن، 20 جولائی (یو این آئی) امریکی صدارتی امیدوار ڈونلڈ ٹرمپ نے کہا ہے کہ اگر وہ امریکی صدر بنے تو روس یوکرین جنگ کا خاتمہ کر دیں گے۔ امریکی میڈیارپورٹس کے مطابق ڈونلڈ ٹرمپ نے یوکرین کے صدر و ولود یمیر زیلینسکی سے ٹیلیفونک رابطہ کیا ہے اور انھیں یقین دہانی کروائی کہ اگر وہ امریکہ کے صدر منتخب ہوئے



تو روس کی جانب سے یوکرین کے خلاف شروع کی گئی جنگ کو ختم کر دیں گے۔ سابق صدر ڈونلڈ ٹرمپ نے رتھ سوشل ، پر ایک پوسٹ میں بتایا کہ جمعہ کو یوکرین کے صدر و ولود یمیر زیلینسکی کے ساتھ فون پر ان کی بہت اچھی گفتگو ہوئی، صدر زیلینسکی نے انھیں ایک بہت ہی کامیاب ریپبلکن نیشنل کنونشن اور ریپبلکن صدارتی امید وار بنے پر مبارک باد دی۔