حیدرآباد- لندن ایئر انڈیا کی پہلی پرواز آر جی آئی اے سے روانہ

حیدرآباد،10 ستمبر (ذرائع) حیدرآباد سے لندن جانے والی ایئر انڈیا کی پہلی پرواز جمعہ کو جی ایم آر حیدرآباد بین الاقوامی ہوائی اڈے سے شروع کی گئی۔

نیشنل کیریئر ایئر انڈیا فلائٹ اے آئی 147 نے راجیو گاندھی انٹرنیشنل ایئر پورٹ سے اڑان بھری، ایئر انڈیا کے عہدیدار اور ایئرپورٹ کے دیگر اسٹیک ہولڈرز مسافروں اور عملے کے ساتھ سنگ میل منانے کے لیے ٹرمینل پر جمع ہوئے۔

ایئر انڈیا کی نان اسٹاپ پروازیں حیدرآباد بین الاقوامی ہوائی اڈے اور ہیتھرو ہوائی اڈے کے درمیان ہفتے میں دو مرتبہ پیر اور جمعہ کو چلیں گی۔

ایئر انڈیا کی پرواز اے 147 پیر کی صبح 1.30 بجے حیدرآباد سے روانہ ہوگی اور صبح 7.30 بجے (مقامی وقت) ہیتھرو ہوائی اڈے پر پہنچے گی۔