کریم نگر میں ترقی کے لیے ونود کمار کی حمایت کریں: ہریش راؤ کی ووٹرس سے اپیل

سدی پیٹ، 10 مئی (ذرائع) سابق وزیر ٹی ہریش راؤ نے کریم نگر لوک سبھا حلقہ کے رائے دہندوں سے اپیل کی ہے کہ وہ ترقی کے لیے بی آر ایس امیدوار بی ونود کمار کو ووٹ دیں۔ انہوں نے کہا کہ بی جے پی کو ووٹ دینا سماج کی تباہی کا باعث بنے گا۔



جمعہ کو حسن آباد اسمبلی حلقہ میں ایک انتخابی ریلی سے خطاب کرتے ہوئے ہریش راؤ نے کہا کہ بی جے پی حکومت نے گزشتہ 10 برسوں کے دوران کارپوریٹ قرضوں کے 14 لاکھ کروڑ روپے معاف کیے ہیں، لیکن عام لوگوں یا کسانوں کے قرضوں کو معاف کرنے کی کبھی کوشش نہیں کی۔