حکومت بل کو پارلیمنٹ میں لانے سے پہلے سلیکٹ کمیٹی کو بھیجے: فاروق عبداللہ

نئی دہلی، 09 فروری (یو این آئی) نیشنل کانفرنس (این سی) کے رکن پارلیمنٹ فاروق عبداللہ نے کہا ہے کہ اگر اپوزیشن مطالبہ کرتی ہے تو پارلیمنٹ میں کوئی بھی بل لانے سے پہلے حکومت کو اسے سلیکٹ کمیٹی کے پاس بھیجا جاناچاہئے ورنہ یہ زرعی قانون کی طرح بعد میں تنازع پیداہوسکتا ہے سال 2022-23 کے مرکزی بجٹ پر عام بحث کے تیسرے دن جاری بحث کا آغاز کرتے ہوئے مسٹر عبداللہ نے کہا کہ ملک غریب سے غریب تر ہوتا جارہا ہے اور



امیروں کی دولت میں اضافہ ہوتا جارہا ہے۔ منریگا کے بجٹ میں کٹوتی کرنا ناانصافی ہے۔

انہوں نے کہا کہ سیاحت جموں و کشمیر کی معیشت میں ریڑھ کی ہڈی کی حیثیت رکھتی ہے۔ اس نے لاکھوں لوگوں کی روزی روٹی سے جوڑ دی ہے۔ حکومت سیاحت کو انڈسٹری کا درجہ دے۔

بھارتیہ جنتا پارٹی کے دلیپ گھوش نے بتایا کہ یہ بجٹ کورونا وبا میں ہونے والے نقصان سے نکلنے اور معیشت کو پٹری پر واپس لانے کے مقاصد کو مدنظر رکھتے ہوئے لایا گیا ہے۔