حکومت نے ہندوستان میں پاکستان سے ہر قسم کی اشیا کی درآمد اور ترسیل پر عائد کی پابندی

نئی دہلی، 3 مئی (یو این آئی) قومی سلامتی اور عوامی پالیسی کو ذہن میں رکھتے ہوئے حکومت ہند نے پاکستان سے تمام قسم کے سامان کی درآمد پر فوری اثر سے پابندی لگادی ہے۔ 

اس پابندی کا اطلاق پاکستان سے ان سامان پر بھی ہو گا جو ہندوستان کے راستے کسی اور جگہ بھیجے جارہے ہیں۔ 

صنعت و تجارت کی وزارت کی ایجنسی



ڈائریکٹوریٹ جنرل آف فارن ٹریڈ کے جاری کردہ نوٹیفکیشن کے مطابق پاکستان سے آنے والی یا بر آمد ہونے والی تمام اشیا کی براہ راست یا بالواسطہ یا ہندوستان کے راستے ایسے سامان کی آمد ورفت پر کل سے پابندی عائد ہو گی۔ 

اس پابندی کا اطلاق ان تمام اشیا پر ہو گا جو وہاں سے آزادانہ طور پر منگوائی جاسکتی ہیں یا کسی اور ذریعے سے خریدی جاسکتی ہیں۔