پیر سے نئی تشکیل شدہ دہلی اسمبلی کا پہلا اجلاس

نئی دہلی 22 فروری (یو این آئی) نو تشکیل شدہ دہلی اسمبلی کا پہلا اجلاس پیر سے شروع ہوگا جس میں اراکین اسمبلی کے حلف کے ساتھ زیر التواء کمپٹرولر اینڈ آڈیٹر جنرل ( سی اے جی) کی رپورٹ بھی پیش کی جائے گی موصولہ اطلاعات کے مطابق اسمبلی کا اجلاس 24، 25، 27 فروری کو



ہوگا اس مدت کے دوران عام آدمی پارٹی ( آپ) کی سابقہ حکومت کی کارکردگی سے متعلق 14 زیر التواء کمپٹرولر اینڈ آڈیٹر جنرل (سی اے جی) رپورٹس ایوان میں پیش کی جائیں گی ذرائع نے بتایا کہ بھارتیہ جنتا پارٹی (بی جے پی) کے سینئر لیڈر وجیندر گپتا دہلی اسمبلی کے اسپیکر ہوسکتے ہیں۔