آنکھوں کی روشنی پروگرام کامیاب۔ تلنگانہ کے وزیر صحت کا دعوی

حید ر آباد 6 اپریل (یو این آئی) تلنگانہ کے وزیر صحت ہریش راو نے دعوی کیا ہے کہ آنکھوں کی روشنی پروگرام کامیاب رہا ہے جس کے ذریعہ کئی افراد کی آنکھوں کے معائنے کئے گئے اور عینکوں کی بھی تقسیم عمل میں لائی گئی۔ وزیر موصوف نے سنگاریڈی ضلع کے سدا شیوا پیٹ میں آنکھوں کی روشنی پروگرام



کے موقع پر کہا کہ ہر گاؤں کے ہر وارڈ میں آنکھوں کی روشنی پروگرام کے کیمپس منعقد کئے گئے جہاں پر آنکھوں کا معائنہ کیا گیا۔ انہوں نے کہا کہ ریاست بھر میں 1500 کیمپس کے ذریعہ 50 دنوں میں 50 لاکھ افراد کی آنکھوں کے معائنے کیے گئے ، 29 لاکھ افراد کو عینکیں دی گئیں، 16 لاکھ لوگوں کو ریڈ نگ گلاس فراہم کی گئیں۔