نئی دہلی، 12 نومبر (یو این آئی) صدر رام ناتھ کووند نے وزارت ہیوی انڈسٹریز اینڈ پبلک انٹرپرائزز کا اضافی چارج وزیر اطلاعات و نشریات پرکاش جاوڈیکر کو سونپا ہے۔
یہ عہدہ شیوسینا کے اروند ساونت کے مرکزی کابینہ سے مستعفی ہونے کی وجہ سے خالی
ہوگیا تھا۔
منگل کو راشٹرپتی بھون سے جاری کردہ ایک ریلیز میں کہا گیا ہے کہ وزیر اعظم کے مشورے کے مطابق صدر نے مرکزی وزیر پرکاش جاوڈیکر کو ہدایت دی ہے کہ وہ اپنی موجودہ وزارت کے علاوہ بھاری صنعت اور پبلک انٹرپرائزز کی وزارت کا اضافی چارج بھی سنبھالیں ۔