موجودہ سیاسی ماحول جمہوریت کے لیے اچھا نہیں ہے : دھنگھڑ

نئی دہلی ، 30 جون (یو این آئی) نائب صدر جگدیپ دھنگھڑ نے پیر کو کہا کہ موجودہ سیاسی ماحول میں الزامات اور جوابی الزامات کا ایسا دور ہے جس میں صدر اور نائب صدر کو بھی گھسیٹا جاتا ہے اور یہ ہندوستانی جمہوریت اور ثقافت سے میل نہیں کھاتا۔

راجستھان کے جے پور میں ریاست کے سابق ایم ایل ایز کی تنظیم راجستھان پر گتی شیل منچ کے ایک پرو گرام سے خطاب کرتے ہوئے مسٹر دھنگکھڑ نے



کہا کہ ملک کا موجودہ سیاسی ماحول ہندوستان کی ہزاروں سال پرانی ثقافت سے بھی میل نہیں کھاتا۔

انہوں نے کہا کہ سیاست میں آپ مختلف پارٹیوں میں ہو سکتے ہیں اور اس میں تبدیلی بھی آتی ہے، حکمران جماعت اپوزیشن میں جاتی رہتی ہے اور اپوزیشن حکمران پارٹی میں آتی رہتی ہے، لیکن اس کا مطلب یہ نہیں کہ دشمنی ہو ، دراڑ پیدا ہو جائے، دشمن سرحد پار سے ہو سکتے ہیں، ہم ملک میں کوئی دشمن نہیں رکھ سکتے۔