گیارہویں مرتبہ لالو آرجے ڈی کے قومی صدر منتخب

پٹنہ 10 دسمبر ( یواین آئی ) چارہ گھوٹالہ معاملے میں جیل میں بند راشٹریہ جنتادل ( آرجے ڈی ) صدر لالو پرساد یادو کے گیارہویں مرتبہ پارٹی کا قومی صدر بلا مقابلہ منتخب ہونے کا آج رسمی اعلان کر دیا گیا  آرجے ڈی کے قومی کونسل کے ہوئے اجلاس اور گیارہویں کھلے کنونشن میں پارٹی کے قومی الیکشن افسر چترنجن گگن نے مسٹر یادو کے پھرسے قومی صدر کے عہدہ پر منتخب کئے



جانے کا رسمی اعلان کیا ۔ ساتھ ہی مسٹر یادو کے انتخاب سے متعلق سرٹیفکٹ ان کے نمائندہ کے طور پر موجود ان کے بیٹے اور اسمبلی میں اپوزیشن لیڈر تیجسوی پرساد یادواور سابق وزیر تیج پڑتاپ یادو کو سونپا ۔

واضح رہے کہ سال 2019-2022 کیلئے پارٹی کے قومی صدر عہدہ کیلئے صرف واحد مسٹر لالو پرساد یادو کی جانب سے پرچہ موصول ہوا تھا۔ مسٹر یادو کی جانب سے چار سیٹ میں پرچہ داخل کیا گیا تھا۔