نامپلی میں درگا پوجا پنڈال میں نصب مورتی کو نقصان، پولیس تحقیقات جاری

حیدرآباد،11 اکتوبر(اعتماد) حیدرآباد کے نمائش میدان نامپلی میں نو راتری کی تقریبات کے دوران درگا پوجا پنڈال میں نصب مورتی کو نقصان پہنچا ہوا پایا گیا۔ پولیس اس بات کی تفتیش کر رہی ہے کہ آیا یہ کسی شرپسند کی جان بوجھ کر کی گئی حرکت ہے۔پولیس کو شبہ ہے کہ نامعلوم افراد نے پنڈال میں چندہ بکس



کو چھیڑا، جس کے نتیجے میں دیوی درگا کی مورتی کو نقصان پہنچا۔  پنڈال کے منتظمین نے بیگم بازار پولیس اسٹیشن میں شکایت درج کرائی، جس کے بعد پولیس نے موقع کا دورہ کیا۔شبہ کیا جا رہا ہے کہ نامعلوم افراد نے چندہ بکس کو ہٹایا، جس کی وجہ سے مورتی کا ہاتھ ٹوٹ کر گر گیا۔پولیس سی سی ٹی وی فوٹیج کا جائزہ لے رہی ہے۔