ہمارے گھر نہ آئیں۔حیدرآباد کی ایک کالونی میں انوکھے بینرس

حیدرآباد22اپریل(یواین آئی)کوویڈ کے سلسلہ کو توڑنے کے لئے لوگوں کا گھر میں رہنا انتہائی اہم ہے کیونکہ کورونا کے معاملات میں تیزی کے ساتھ اضافہ ہوتاجارہا ہے جس کودیکھتے ہوئے شہر حیدرآبا دکے مشیرآباد کی پدماشالی کالونی کے افراد نے اپنے مکانات کی گیٹس پر انوکھے قسم کے بینرس لگادیئے ہیں۔

تلگوزبان میں لکھے گئے ان بینرس میں لوگوں سے خواہش کی گئی ہے کہ وہ ان کے مکانات کو نہ آئیں اور ہمیں بھی اپنے مکانات میں آنے نہ دیں کیونکہ وبا کا دور چل رہا ہے۔

اس کالونی کی ایسوسی ایشن نے اس قدم کی قیادت کی ہے جس کا ماننا ہے کہ اس انوکھے قدم کے ذریعہ کورونا کی روک تھام میں حتی المقدور مدد ملے گی۔