ڈاکٹر راجندر پرساد کی یوم پیدائش کو’ریسرچ ڈے‘ کرنے کا مطالبہ

نئی دہلی، 4 دسمبر (یواین آئی) جنتا دل (یو) کے رام ناتھ ٹھاکر نے آج راجیہ سبھا میں ملک کے پہلے صدر راجندر پرساد کی یوم پیدائش کو ’نیشنل ریسرچ ڈے‘ کے دن کے طور پر منانے کا مطالبہ کیا مسٹر ٹھاکر نے وقفہ صفر کے دوران یہ معاملہ اٹھاتے ہوئے کہا کہ ڈاکٹر راجندر پرساد کے تین دسمبر کو منائے جانے والے یوم پیدائش کو ’نیشنل ریسرچ ڈے‘ کے طور پر منایا جانا چاہیے۔

انہوں نے کہا کہ سابق وزیر اعظم جواہر لال نہرو کی پیدائش 14 نومبر کو بچوں کے دن کے طور پر منایا جاتا ہے۔ اسی طرح سابق صدر سروپلی رادھا



کرشنن کی یوم پیدائش پانچ ستمبر کو ٹیچر ڈے کے طور پر منایا جاتا ہے۔

کانگریس کے اکھلیش پرساد سنگھ نے بہار کے موتیہاری چینی مل کو دوبارہ شروع کرنے کا مطالبہ کیا اور کہا کہ اس کے بند ہونے سے ملازمین کے سامنے روزی روٹي کا مسئلہ پیدا ہو گیا ہے۔ بہت سے ملازمین کی موت ہو گئی ہے اور دو ملازمین نے خود کشی کر لی ہے۔

انہوں نے کہا کہ انہیں پتہ چلا ہے کہ اس چینی مل کی زمین پر ایک میڈیکل کالج کے قیام کے لئے ایک ٹرسٹ تشکیل دی گئی ہے۔ کسانوں کے مفادات کو ذہن میں رکھ کر اس چینی مل کو دوبارہ کھول دیا جانا چاہیے۔