دہلی میں اسرائیلی سفارت خانے قریب دھماکے کی اطلاع، کوئی مشکوک چیز نہیں ملی

نئی دہلی، 26 ڈسمبر (ذرائع) دہلی پولیس کو منگل کی شام نئی دہلی میں اسرائیلی سفارت خانے کے قریب ایک دھماکے کی اطلاع ملی۔ دہلی فائر سروس ڈپارٹمنٹ کے حکام کے مطابق، کال شام 5.47 بجے آئی تھی اور اسے دہلی پولیس کے پی سی آر (پولیس کنٹرول روم) کے ذریعے منتقل کیا گیا تھا۔ انہوں نے بتایا کہ پولیس اور فائر



ڈپارٹمنٹ کے اہلکاروں نے موقع پر پہنچ کر صورتحال کا جائزہ لیا۔ تاہم پولیس کو موقع سے کوئی مشکوک چیز برآمد نہیں ہوئی۔ پولس پورے معاملے کی جانچ کر رہی ہے۔ خبر رساں ادارے روئٹرز کی رپورٹ کے مطابق اسرائیل کی وزارت خارجہ نے کہا ہے کہ سفارت خانے کا تمام عملہ محفوظ ہے اور وہ معاملے کی تحقیقات میں مقامی حکام سے تعاون کر رہے ہیں۔