دہلی فسادات کیس: عمر خالد اور شرجیل امام کو رہا نہیں کیا جائے گا، ہائی کورٹ نے دیا بڑا جھٹکا

دہلی،٢ستمبر(ذرائع) شمال مشرقی دہلی میں سال 2020 میں ہوئے فسادات کی سازش سے متعلق معاملہ میں دہلی ہائی کورٹ نے بڑا فیصلہ سنایا ہے۔ عدالت نے عمر خالد اور شرجیل امام سمیت کئی ملزمین کی ضمانت کی درخواستیں مسترد کر دی ہیں۔

عدالت نے صرف عمر خالد اور شرجیل امام ہی نہیں بلکہ محمد سلیم خان، شفا الرحمٰن، اطہر خان، میران حیدر،



عبدالخالد سیفی اور گلفشہ فاطمہ کی درخواست ضمانت بھی خارج کر دی ہیں۔

حکومت کی طرف سے پیش ہوئے سالیسٹر جنرل تشار مہتا نے عدالت میں دلیل دی کہ یہ صرف ایک فساد کا معاملہ نہیں بلکہ ایک بڑی سازش تھی جس کا مقصد دنیا میں ہندوستان کو بدنام کرنا تھا۔ ایسے میں صرف اس بنیاد پر ضمانت دینا درست نہیں ہوگا کہ ملزمان طویل عرصے سے جیل میں ہیں۔