باپو کے نظریات کی مطابقت کو یاد رکھنے کا دن: نائیڈو

نئی دہلی ، 30 جنوری (یواین آئی) نائب صدر ایم وینکیا نائیڈو نے بابائے قوم مہاتما گاندھی کے نظریات میں متحد رہنے، حق ، عدم تشدد ، وفاداری اور سادگی جیسی اقدار کو اپنانے کا مطالبہ کرتے ہوئے کہا کہ یہ وقت ذات پات ، فرقہ واریت ، اور ہر طرح کی انتہا پسندی اور دیگر سماجی تنگ دستیوں سے بالاتر ہونے کا ہے۔

ہفتہ کو یوم شہدا کے موقع پر سماجی رابطے کی ویب سائٹ فیس بک پر لکھے گئے ایک مضمون میں ، مسٹر نائیڈو نے کہا کہ یوم شہدا ملک کے لئے ایک سنجیدہ جذبات سے پُر موقع ہے ، جب ہم مہاتما گاندھی کو خراج عقیدت پیش کرتے ہیں ، جن کی بصیرت قیادت کے



تحت ہم نے استحصال کرنے والی انگریزی حکمرانی سے ملک کو آزاد کروانے کے لئے جدوجہد کی۔

انہوں نے کہا کہ گاندھی جی کی حیرت انگیز قیادت کی وجہ سے ملک کی مختلف برادریوں اور طبقوں میں نئے شعور کی بحالی ہوئی ، جس کا نتیجہ بالآخر استعماری حکمرانی سے ملک کو آزادی ملی ۔ یقیناً یہ خیال کیا جاسکتا ہے کہ تاریخ میں مہاتما گاندھی جیسی بہت سی شخصیات رہی ہیں جنہوں نے اس طرح سے پوری دنیا کے رہنماؤں اور ہیروز کو متاثر کیا ہو۔ گاندھی جی نے ایک مثالی میراث چھوڑی ہے ، ایک مثالی زندگی کوششوں سے بھری ہوئی ، آئندہ آنے والی نسلوں کے لئے یہ ان کا پیغام ہے۔