مسلح افواج کی جدیدکاری کے تئیں عہد بند: راجناتھ

ممبئی‘ 28ستمبر (یو این آئی) وزیر دفاع راج ناتھ سنگھ نے کہا ہے کہ حکومت مسلح افواج کی ضرورتوں کے تئیں کافی بیدار اور چوکنا رہنے علاوہ ملک کی دفاعی تیاریوں میں وقت کی ضرورتوں کے مطابق تبدیلی کرنے کے سلسلے میں عہد بند ہے۔

مسٹر سنگھ نے یہاں ملک میں ہی تیار آبدو ز آئی این ایس کھنڈیری کو بحریہ میں شامل ہونے کے موقع پر منعقد پروگرام میں یہ بات کہی۔

وزیر دفاع نے کہا”حکومت مسلح افواج کی جدید کاری پر خصوصی توجہ دینے اورمالی امداد فراہم کرنیکے تئیں عہد بند ہے۔ وقت وقت پر جدید ہتھیاروں‘ سینسر اور بہترین دفاعی آلات کی خریداری کی حوصلہ افزائی کی گئی ہے۔ حکومت نے مسلح افواج کو قوم کے مفاد کے نقطہ نظر سے فیصلے لینے کے لئے زیادہ آزادی اور تائید فراہم کی



ہے۔“

مسٹر سنگھ نے بحرہند خطہ میں ہندوستانی بحریہ کی خود اعتمادی کی تعریف کرتے ہوئے کہا”آپ ایک معتبر بحریہ نہیں خرید سکتے۔ ایک قابل اعتماد بحریہ کی تعمیر معتبر حکومت کی طرف سے کی جاتی ہے۔ بحرہند علاقے میں جسے خود اعتمادی ہندوستانی بحریہ کے پاس ہے ویسا کسی دیگر بحریہ کے پاس نہیں ہے۔“

وزیر دفاع نے مستقل کے دفاعی چیلنجز کے سلسلے میں نہ صرف سیکورٹی فورسیز کو بلکہ ملک کے ہر شہری کو چوکنا رہنے کی اپیل کی۔انہوں نے کہا کہ ہمیں ملک کے اندر اور باہر سے آنے والے عناصر کے خلاف چوکنا رہنا ہوگا۔

وزیر دفاع نے ملک کی ترقی میں سمندروں کی اہمیت کا ذکر کرتے ہوئے کہا کہ سمندر مواقع کا باب داخلہ ہیں۔ لیکن اگر بحریہ چوکنا نہیں رہے تو اس سے ملک کی سلامتی کو سنگین خطرات لاحق ہوسکتے ہیں۔