ذرائع:
بنگلہ دیش کے نوجوان لیڈر اور 2024 کی طلبہ تحریک کے اہم قائد ناہید اسلام کے دورۂ برطانیہ کے دوران لندن میں کشیدگی پیدا ہوگئی۔ ان کے اعزاز میں منعقدہ تقریب کے باہر سابق حکمراں جماعت
عوامی لیگ کے حامیوں نے احتجاج کیا، جس کے بعد عوامی لیگ اور ناہید اسلام کی جماعت نیشنل سٹیزن پارٹی کے کارکنوں میں جھڑپیں ہوگئیں۔ تقریباً 20 منٹ تک جاری تصادم میں چار افراد زخمی ہوئے، جبکہ پولیس نے لاٹھی چارج کرتے ہوئے صورتحال پر قابو پایا۔
واضح رہے کہ ناہید اسلام نے 2024 میں شیخ حسینہ حکومت کے خاتمہ کا سبب بننے والی طلبہ تحریک میں اہم کردار ادا کیا تھا۔ بعد ازاں وہ عبوری حکومت میں مشیر رہے اور فروری 2025 میں نیشنل سٹیزن پارٹی کے قیام میں اہم کردار ادا کیا۔