چدمبرم جمعرات سے پارلیمنٹ کی کارروائی میں شامل ہونگے :کارتی

نئی دہلی ،4دسمبر(یواین آئی)کانگریس کے سینئر لیڈر اور سابق مرکزی وزیرخزانہ پی چدمبرم جمعرات سے راجیہ سبھا کی کارروائی میں شامل ہونگے ۔

مسٹر چدمبرم کے بیٹے اور کارنگریس کےلوک سبھا رکن کارتی چدمبرم نے بدھ کویہاں پارلیمنٹ ہاؤس کے احاطہ میں صحافیوں سے کہاکہ اپنے والد کو سپریم کورٹ سے ضمانے ملنے پر وہ انتہائی خوش ہیں ۔انھوں نے کہاکہ ،’’ میرے لیے یہ



بہت بڑا دن ہے ۔میرے والد 106دن تک جیل میں رہنے کے بعد باہر آررہے ہیں ۔وہ رکن پارلیمان ہیں اور جمعرات سے ایوان کی کارروائی میں شامل ہونگے ۔‘‘

واضح رہے کہ مسٹر چدمبرم کو سپریم کورٹ نے آج آئی این ایکس میڈیا معاملہ میں 106دن بعد ضمانت دی ہے ۔عدالت نے منی لانڈرنگ سے متعلق انفورسمنٹ ڈائریکٹوریٹ کے ذریعہ درج معاملہ میں انھیں مشروط ضمانت پر رہا کرنے کا حکم دیاہے ۔