چندرا بابو نائیڈو کا دورہ دہلی، مرکزی وزیر کے نومولود بچہ کے ساتھ تصویریں وائرل

حیدر آباد، 23 اگست (یو این آئی) آندھراپردیش کے وزیر اعلیٰ این چندرا بابو نائیڈو، جو عوامی وعدوں کو پورا کرنے کے لیے دن رات محنت اور اپنے ساتھیوں کو بھی سر گرم رکھنے کے مزاج کے لیے مشہور ہیں، بچوں کو دیکھتے ہی ایک محبت بھرے اور اپنائیت والے انداز میں ڈھل جاتے ہیں۔ یہی منظر کل دہلی میں اس وقت دیکھنے کو ملا جب وہ اپنے دورہ دہلی



کے موقع پر مرکزی وزیر رام موہن نائیڈو کی سرکاری رہائش گاہ پہنچے۔

حالیہ دنوں رام موہن نائیڈو اور ان کی اہلیہ شر اویا کے گھر بیٹے کی پیدائش ہوئی ہے۔ وزیر اعلیٰ ں ننھے بچے کو اپنی گود میں لیا اور کچھ دیر تک محبت و شفقت کے ساتھ کھیلتے رہے۔ بعد ازاں انہوں نے رام موہن نائیڈو اور ان کے ارکان خاندان کے ساتھ خوشگوار انداز میں بات چیت بھی کی۔