ایک ملک ایک راشن کارڈ اسکیم ایک سال میں

نئی دہلی ،29جون (ایجنسی)فوڈسپلائی اور صارفین کے امور کے وزیررام ولاس پاسوان نے آج کہاکہ صارفین کی سہولت کے لیے 'one nation, one ration card'  ’ ایک ملک راشن کارڈ‘کی اسکیم آئندہ سال 30جون سے نافذ کردی جائیگی۔

مسٹر پاسوان نے یہاں پریس کانفرنس میں کہاکہ ملک بھر کے سبھی راشن کارڈوں کو آدھار نمبر سے جوڑنے اور 100فیصد پی اوایس مشین کے ذریعہ اناج کی تقسیم کا کام آخری مراحل میں ہے ۔آندھراپردیش ،گجرات ،ہریانہ ،جھارکھنڈ،کرناٹک ،کیرالہ ،مہاراشٹر ،راجستھان ،تلنگانہ اور تری پورہ میں 100فیصد اناج کی تقسیم کا کام پی او ایس مشین سے ہورہی ہے ۔ان ریاستوں میں کوئی بھی فرد کسی مقام پر اپنے کارڈ سے راشن لے سکتاہے ۔

انھوں نے بتایاکہ اس سال 15اگست سے آندھراپردیش اور تلنگانہ یا مہاراشٹر اور گجرات کے لوگ کسی دونوں ریاستوں میں سے کہیں سے راشن لے سکتے ہیں ۔ انھوں نے کہاکہ آئندہ چھ ماہ کے دوران سبھی ڈپو آن لائن ہوجائیں گے ۔انڈین فوڈکارپوریشن کے سبھی ڈپو آن لائن ہیں ۔