لوک سبھا کے ساتویں اور آخری مرحلے کی انتخابی مہم ختم، دو ٹنگ یکم جون کو ہوگی

نئی دہلی، 30 مئی (یو این آئی ) 18 ویں لوک سبھا انتخابات کے لئے تقریباًدو ماہ تک جاری رہنے والی انتخابی مہم جمعرات کی شام 6 بجے ختم ہو گئی۔ شدید گرمی اور ایک دوسرے کے خلاف سیاسی جماعتوں کے تند و تیز بیانات اور شور وغل سے بھری ہوئی انتخابی مہم آج تھم گئی ان انتخابات کے ساتویں اور



آخری مرحلے میں ہفتہ کو 57 پارلیمانی نشستوں کے لیے ووٹنگ ہو گی جس میں آٹھ ریاستیں اور مرکز کے زیر انتظام چنڈی گڑھ شامل ہے۔ اس کے ساتھ ہی اوڈیشہ اسمبلی کے چوتھے اور آخری مرحلے میں 42 سیٹوں کے لیے ایک ہی دن ووٹنگ ہو گی۔ ضابطے کے مطابق ان سیٹوں پر انتخابی مہم پولنگ سے 48 گھنٹے قبل آج شام 6 بجے ختم ہو گئی۔