بی ایس ایف نے پاکستان کو ایساز خم دیا جو برسوں میں بھی نہیں بھرے گا : امیت شاہ

جموں ، 30 مئی (یو این آئی) مرکزی وزیر داخلہ امیت شاہ نے جمعے کو بارڈر سکیورٹی فورس (بی ایس ایف) کی پاکستانی جارحیت کے خلاف فیصلہ کن جوابی کارروائی کی دل کھول کر تعریف کرتے ہوئے کہا کہ جموں سرحد پر تین دن کے اندر بی ایس ایف کے جوانوں نے 118 سے زائد پاکستانی پوسٹوں کو تباہ یا شدید نقصان پہنچایا۔ 

اُنہوں نے کہا کہ اس کار روائی سے پاکستان کا نگرانی اور مواصلاتی نظام مکمل طور پر درہم برہم ہو گیا ہے، جس کی بحالی میں دشمن کو کم از کم چار سے پانچ سال لگیں گے۔ 

وزیر داخلہ آپریشن سندور کے بعد اپنے



پہلے دوروزہ جموں و کشمیر دورے کے دوران پونچھ پہنچے ، جہاں اُنہوں نے لائن آف کنٹرول کے قریب بی ایس ایف ہیڈ کوارٹر خانیترہ میں جوانوں سے ملاقات کی، شہری علاقوں میں پاکستانی شیلنگ سے متاثرہ افراد سے بات کی ، مذہبی مقامات کا معائنہ کیا اور سیکیورٹی صورت حال کا جامع جائزہ لیا۔ 

امیت شاہ نے کہا، جب پاکستان نے ہماری انسداد دہشت گردی کارروائیوں کے جواب میں سرحدوں اور شہری علاقوں پر حملے کیے تو بی ایس ایف کے جموں فرنٹیئر کے جوانوں نے جوابی کارروائی کرتے ہوئے دشمن کی 118 سے زائد پوسٹوں کو تباہ شدید نقصان پہنچایا۔