ٹی آرایس میں جلد ہی شامل ہونے بی جے پی لیڈر پدی ریڈی کا اعلان

حیدرآباد 27جو لائی (یواین آئی)متحدہ آندھراپردیش کے سابق وزیر پدی ریڈی جنہوں نے گذشتہ روز تلنگانہ بی جے پی سے استعفی دے دیا تھا، کہا کہ ان کو حکمران جماعت میں شامل ہونے کی دعوت ملی ہے اور وہ جلد ہی ٹی آرایس میں شامل ہوجائیں گے۔

حلقہ اسمبلی حضورآباد کے ضمنی انتخاب سے پہلے بی جے پی کو ایک اور دھکہ دیتے ہوئے پدی ریڈی نے زعفرانی جماعت سے استعفی کا اعلان کیا تھا۔

دلچسپ بات یہ ہے کہ ایم نرسمہلو نے بھی حال ہی میں بی جے پی سے استعفی دے دیا تھااور کہا تھا کہ یہ پارٹی ان کے لئے موزوں نہیں ہے۔