بنگال تشدد: خصوصی تفتیش والی عرضی پر مرکز، ریاست کو نوٹس

نئی دہلی، یکم جولائی (یو این آئی) سپریم کورٹ نے مغربی بنگال میں انتخابات کے بعد ہوئے تشد کی خصوصی تفتیشی ٹیم (ایس آئی ٹی) سے جانچ کرائے جانے سے متعلق عرضی پر مرکز، ریاستی حکومت اور الیکشن کمیشن سے جمعرات کو جواب طلب کیا جج ونیت سرن کی صدارت والی دو رکنی بنچ نے رنجنا اگنی ہوتری اور ایک دیگر کی عرضی پر سماعت کرتے ہوئے مرکزی حکومت، ریاستی حکومت اور الیکشن



کمیشن کو نوٹس جاری کئے۔

عدالت نے نوٹس کے جواب کے لئے ان تمام فریقین کو چار ہفتہ کا وقت دیا ہے۔ حالانکہ عرضی ریاست کی وزیراعلی ممتا بنرجی کو بھی فریق بنایا گیا تھا لیکن انہیں کوئی نوٹس نہیں جاری کیا گیا۔ لکھنو کی وکیل محترمہ اگنی ہوتری نے مغربی بنگال میں انتخابات کے بعد تشدد کی غیرجانبدارانہ جانچ کرانے کے لئے خصوصی تفتیشی ٹیم قائم کرنے کی مانگ بھی عدالت سے کی ہے۔