مکہ مکرمہ میں پہلے انٹرنیشنل ایئرپورٹ کی تعمیر کی منظوری

ذرائع:

سعودی عرب نے مکہ مکرمہ میں پہلے بین الاقوامی ایئرپورٹ کے قیام کی منظوری دے دی ہے، جس کیلئے فزیبلٹی اسٹڈیز مکمل ہو چکی ہیں۔ حکام کے مطابق یہ ایئرپورٹ لاکھوں حجاج اور عمرہ زائرین کو بہتر سفری سہولت فراہم کرے گا اور اسے عالمی معیار کے مطابق تیار کیا جائے گا۔منصوبہ خانگی شعبے کے اشتراک سے مکمل کیا جائے گا اور اسے اس طرح ڈیزائن کیا جائے گا کہ کنگ عبدالعزیز انٹرنیشنل ایئرپورٹ پر منفی اثر نہ پڑے۔ ایئرپورٹ کو حرم کی حدود سے باہر تعمیر کیا جائے گا اور اسے حرمین ہائی



اسپیڈ ریل سمیت دیگر ٹرانسپورٹ نظام سے جوڑا جائے گا، تاکہ زائرین کو آسان اور تیز سفر کی سہولت مل سکے۔ایئرپورٹ کو حرم کی حدود سے باہر تعمیر کیا جائے گا، جبکہ اسے میٹرو، تیز رفتار ریل اور بس نیٹ ورک سے جوڑنے کا منصوبہ ہے، تاکہ زائرین کو براہ راست اور آسان سفری سہولت میسر آ سکے۔ فی الحال مقام اور تعمیراتی شیڈول کا اعلان نہیں کیا گیا، تاہم یہ منصوبہ سعودی عرب کے وژن کے تحت مکہ مکرمہ میں بڑے پیمانے پر جاری ترقیاتی اقدامات کا اہم حصہ ہے، جس کا مقصد زائرین کے سفر کو مزید سہل، محفوظ اور آرام دہ بنانا ہے۔