نئی دہلی، یکم جولائی (ایجنسی) وزیر داخلہ امت شاہ نے آج راجیہ سبھا میں کہا کہ جموں و کشمیر میں اسمبلی انتخابات اس سال کے اختتام تک کرائے جائیں گے ۔
مسٹر شاہ نے ایوان میں وقفہ طعام کے بعد جموں و کشمیر میں صدر راج کی میعاد اگلے چھ ماہ تک بڑھانے کی تجویز اور جموں کشمیر ریزرویشن ایکٹ، 2004 پیش کرتے ہوئے یہ اعلان کیا۔ انہوں نے کہا کہ سیکورٹی کے حالات اور ریاست میں
مذہبی سرگرمیوں کے پیش نظر یہ فیصلہ کیا گیا ہے ۔ ریاست میں ابھی رمضان کا مہینہ ختم ہوا ہے اور امرناتھ یاترا جو اگست تک جاری رہے گی۔
انہوں نے کہا کہ ریاست میں بکروال کمیونٹی کی آبادی کا حصہ 10 فیصد ہے اور یہ لوگ ابھی اپنے گھروں سے باہر ہیں۔ اکتوبر سے یہ لوگ اپنے اصل مقامات پر واپس آتے ہیں۔ گزشتہ کئی دہائیوں کے دوران، ریاستی اسمبلی کے انتخابات سال کے آخر میں ہی کرائے جاتے ہیں۔