تلنگانہ کے تمام ارکان پارلیمنٹ کو پارلیمنٹ میں اپنی ریاست کے حق میں بات کرنی چاہئے: کے ٹی آر

حیدرآباد، 25 جنوری (ذرائع) پارلیمنٹ کے بجٹ اجلاس سے پہلے، میونسپل ایڈمنسٹریشن اور شہری ترقی کے وزیر کے ٹی راما راؤ نے مرکز پر زور دیا کہ وہ ضروری مالی اور انتظامی تعاون فراہم کرتے ہوئے حیدرآباد کی ترقی کی حمایت کرے۔

کے ٹی آر نے کہا کہ تلنگانہ کے تمام ارکان پارلیمنٹ میں تلنگانہ کے عوام کی طرف سے بات کریں اور اس کی



ترقی کے لیے جدوجہد کریں۔

منگل کو یہاں قطب اللہ پور اسمبلی حلقہ میں کئی ترقیاتی کاموں کا افتتاح کرنے کے بعد میڈیا کے نمائندوں سے بات کرتے ہوئے راما راؤ نے مرکزی وزیر خزانہ نرملا سیتا رمن پر زور دیا کہ وہ ریاستی حکومت کی طرف سے کی گئی درخواستوں پر غور کریں اور آئندہ مرکزی بجٹ 2022-23 میں حیدرآباد کی ترقی کے لیے 7,800 کروڑ روپے منظور کریں۔