ریاست کے تمام باشندگان کو مفت کورونا ویکسین ملے گی: گورنر

تریواننت پورم، 28 مئی (یو این آئي) کیرالہ کے گورنر عارف محمد خان نے 15 ویں ریاستی اسمبلی کے افتتاحی اجلاس کے موقع پر اپنے پہلے خطاب میں اعلان کیا کہ ریاست کووڈ-19 کے لئے مفت، عمومی اور جلد ٹیکہ کاری کا وعدہ کرتی ہے۔

ایوان سے خطاب کرتے ہوئے



مسٹر عارف محمد خان نے کہا کہ حکومت نے ویکسین کیلئے عالمی ٹینڈر طلب کرنے سمیت متعدد اقدامات کیے ہیں اور ویکسین کے چیلنج کے لئے لوگوں کا تعاون ایک مثال ہے۔

انہوں نے کہا کہ ریاست میں کووڈ-19 کا چیلنج درپیش ہونے کے باوجود معیشت میں بہتری لانے کی ضرورت ہے۔