حیدرآباد 11 مارچ 2026 (اعتماد نیوز) حیدرآباد سے تھائی لینڈ روانہ ہونے والی ایئر انڈیا کی پرواز فوکٹ ایئرپورٹ پر لینڈنگ کے دوران بڑے حادثے سے بال بال بچ گئی۔ اطلاعات کے مطابق رن وے پر لینڈنگ کے
وقت طیارے کا لینڈنگ گیئر ٹوٹ گیا جس کے باعث خطرناک صورتحال پیدا ہو گئی۔تاہم پائلٹ نے مہارت کے ساتھ طیارے کو بحفاظت اتار لیا۔ حکام کے مطابق طیارے میں سوار 133 مسافر محفوظ ہیں اور کسی جانی نقصان کی اطلاع نہیں ہے۔