حیدرآباد کو کچرے سے پاک شہر بنانے کے لئے ایکشن پلان

حید ر آباد 4 فروری (یو این آئی) کچرے کی وصولی، تلف کرنے کے عمل میں بہتری اور حیدرآباد کو کچرے سے پاک شہر بنانے کے لئے گریٹر حیدرآباد میونسپل کارپوریشن (جی ایچ ایم سی) نے 100 دن کے ایکشن پلان کو متعارف کیا ہے۔ کارپوریشن کی جانب سے حال ہی میں انٹی گریٹیڈ سالڈ ویسٹ مینجمنٹ سسٹم کو متعارف کرنے کے باوجود تقریباً 2500 کچرے کے غیر محفوظ



مقامات کی نشاندہی کے بعد سینی ٹیشن سے متعلق اضافی اقدامات کی ضرورت ظاہر کی گئی تھی جس پر بلدیہ نے جی وی پی ہلپ لائن نمبر ، ان غیر محفوظ مقامات پر نگرانی اور کمانڈ کنٹرول سنٹرس کی تجویز پیش کی تھی۔ عوامی شراکت میں اضافہ کے لئے جی ایچ ایم سی نے بستی سینی ٹیشن کمیٹیوں کی تشکیل اور کچرے کے غیر محفوظ مقامات کو بر خواست کرنے کی مہم چلانے کا فیصلہ کیا ہے۔