ای پیپر
انگلش ویکلی
خصوصی
زیادہ دیکھے گئے
اوپینین پول
کیا آپ کو لگتا ہے کہ روتوراج گائیکواڑ چنئی سپر کنگز کے لیے اچھے کپتان ثابت ہوں گے؟
دہلی سمیت چار ریاستوں میں کووڈ کے 81 فیصد معاملے
Thu 09 Jun 2022, 21:08:20
نئی دہلی، 09 جون (یو این آئی) مرکزی حکومت نے کہا کہ ملک میں کووڈ انفیکشن کے بڑھتے ہوئے معاملات میں چار ریاستوں مہاراشٹر، کیرالہ، دہلی اور کرناٹک میں 81 فیصد کیس سامنے آئے ہیں۔
صحت اور خاندانی بہبود کی وزارت کے سکریٹری راجیش بھوشن نے جمعرات کو تمام ریاستوں اور مرکز کے زیر انتظام علاقوں کے پرنسپل سکریٹریوں اور ہیلتھ سکریٹریوں کو لکھے ایک خط میں کہا کہ پچھلے دو ہفتوں سے ملک میں کووڈ انفیکشن کے بڑھتے ہوئے واقعات کا رجحان ہے۔مجموعی متاثرہ کیسوں میں سے 81 فیصد مہاراشٹر، کیرالہ، دہلی اور کرناٹک میں سامنے آئے
ہیں۔
ہیں۔
خط میں کہا گیا ہے کہ گزشتہ تین مہینوں سے کورونا وبا سے نمٹنے کی مشترکہ کوششوں کی وجہ سے کووڈ کے انفیکشن میں مسلسل کمی واقع ہوئی تھی، لیکن گزشتہ دو ہفتوں کے دوران انفیکشن کا رجحان سامنے آیا ہے۔
مسٹر بھوشن نے خط میں کہا کہ کووڈ انفیکشن کے تیزی سے پھیلنے والے اضلاع اور بستیوں کی نشاندہی کی جانی چاہیے۔ متعلقہ ریاستی حکومتوں کو کووڈ کے معیارات پر سختی سے تعمیل کو یقینی بنانا چاہیے اور کووڈ ویکسینیشن کو تیزی سے انجام دینا چاہیے۔ اس کے علاوہ متاثرہ افراد کی مکمل نگرانی کی جائے اور انہیں مقامی سطح پر مکمل علاج فراہم کرانا چاہئے۔
اس پوسٹ کے لئے کوئی تبصرہ نہیں ہے.
دنیا بھر سے میں زیادہ دیکھے گئے
Indian Rupee Converter