ولادی میر پوٹن ٹیلی وژن شو کے میزبان

روس،14اپریل(ایجنسی) روسی صدر ولادی میر پوٹن آج جمعرات کو ایک ٹیلی وژن شو کی میزبانی کر رہے ہیں۔ پوٹن کے ترجمان دیمتری پیشکوف کے مطابق اس سالانہ شو کے دوران صدر عوام کی جانب سے پوچھے جانے والے سوالات کے جوابات دیں گے۔ عام طور پر یہ شو کئی گھنٹوں تک جاری رہتا ہے اور اس میں داخلی مسائل ہی زیر بحث آتے ہیں۔ پیشکوف کے مطابق روس میں بڑھتی ہوئی مہنگائی اور افراط زر اس شو کے ایک اہم موضوعات ہوں گے۔