کیلی فورنیا میں پولنگ اسٹیشن کے نزدیک فائرنگ میں ایک ہلاک،تین زخمی

امریکہ میں صدارتی عہدے کےلئے ہورہی ووٹنگ کے دوران آج کیلی فورنیا کے ایجوسا شہر میں ایک پولنگ اسٹیشن کے نزدیک ایک مسلحہ شخص نے فائرنگ کردی جس میں ایک شخص کی موت ہوگئی اور کم از کم تین افراد زخمی ہوگئے۔ پولیس کے ایک ترجمان نے بتایا کہ گولی



چلنے کے واقعہ کے بعد سکیورٹی کے پیش نظر انتظامیہ نے پولنگ اسٹیشن اور اس کے آس پاس کے علاقے کو کچھ وقت کےلئے بند کردیا۔ پولیس نے سکیورٹی کے پیش نظر جائے وقوع کے پاس میموریل پارک اور ڈالٹن پرائمری اسکول کے علاوہ سلاسن سیکنڈری اسکول کو بھی بند کردیا۔