وراٹ کوہلی نے نائب کپتان رہانے کا دفاع کیا

ممبئی، 6 دسمبر (یو این آئی) ہندوستانی کپتان وراٹ کوہلی نے آؤٹ آف فارم نائب کپتان اجنکیا رہانے کی حمایت میں سامنے آتے ہوئے کہا ہے کہ باہری دباؤ کی بنیاد پر رہانے کے مستقبل کے بارے میں جلد بازی میں کوئی فیصلہ نہیں کیا جائے گا ہندوستان نے دمدارکارکردگی کا مظاہرہ کرتے ہوئے نیوزی لینڈ کو دوسرے ٹیسٹ میں پیر کو چوتھے



دن کے پہلے سیشن میں 372 رنز کے بڑے فرق سے شکست دے کر دو میچوں کی سیریز 1-0 سے جیت لی۔

یہ ہندوستان کی گھر پر لگاتار 14ویں ٹیسٹ سیریز ہے۔

تاہم اس سب کے درمیان ٹیم کے دو تجربہ کار بلے بازوں چیتشور پجارا اور رہانے کا خراب فارم تشویش کا باعث بن گیا ہے، خاص طور پر جب نئے کھلاڑی ٹیم میں آ رہے ہیں اور بڑی اننگز کھیل رہے ہیں۔