سال 2019 میں آئی سی سی ورلڈ کپ سے پہلے 13 ون ڈے میچ کھیلے گا ہندوستان

نئی دہلی/یکم جنوری(ایجنسی) ہندوستانی ٹیم سال 2019 کی شروعات میں بھلے ہی ٹیسٹ میچ سے کر رہی ہو، لیکن کرکٹ مداحوں کی نظروں میں آئی سی سی ورلڈ کپ 2019 پر ٹک گئی ہے، ورلڈ کپ 30 مئی سے انگلینڈ میں ہونا ہے، اس سے پہلے ہندوستان ایک ٹیسٹ میچ اور کم سے کم 13 ونڈے میچ کھیلے گا، ٹیسٹ میچ تین جنوری سے سڈنی میں کھیلا جانا ہے، یہ ہندوستان اور آسٹریلیا کے درمیان موجودہ ٹیسٹ سیریز کا چوتھا اور آخری میچ ہوگا، ہندوستانی ٹیم اس سیریز کے دو ٹیسٹ جیت کر 2-1 سے آگئے ہے، ٹیسٹ سیریز کے بعد دونں ٹیمیں 12 جنوری سے ونڈے میچ کھیلے گی.

ہندوستان اس سال ورلڈ کپ شروع ہونے سے پہلے تین ملکوں کے خلاف کم سے کم 13 ونڈے کھیلے گا، پہلے ہندوستان اور آسٹریلیا کے درمیان آسٹریلیا میں ہی تین ونڈے میچوں کی سیریز کھیلی جائے گی - اسکے بعد ٹیم انڈیا نیوزی لینڈ دورے پر جائے گی- وہاں نیوزی لینڈ سے پانچ ونڈے میچوں کی سیریز ہوگی- اسکے بعد آسٹریلیا کی ٹیم انڈیا دورے پر آئے گی یہاں دونوں کے درمیان 5 ونڈے میچ کھیلے جائیں گے-