پری کوارٹر فائنل میں سندھو، لکشیا اور ساتوک-چراغ کی جوڑی

ہوایلوا (اسپین)، 14 دسمبر (یو این آئی)ساتوک سائی سراج رینکی ریڈی اور چراغ شیٹی کی ہندوستانی مرد ڈبلز جوڑی اور عالمی چیمپئن پی وی سندھو اور لکشیا سین منگل کے روز دوسرے دور کے اپنے اپنے مقابلے جیت کر اسپین کے ہوایلوا میں جاری بی ڈبلیو ایف عالمی بیڈمنٹن چیمپئن شپ کے راونڈ آف 16 یعنی پری



کوارٹرفائنل میں پہنچ گئے۔

دو بار کی اولمپک تمغہ جیتنے والی سندھو نے خواتین کے سنگلز کے دوسرے راؤنڈ میں سلواکیہ کی مارٹینا ریپیسکا کو یک طرفہ انداز میں شکست دے کر اگلے راؤنڈ میں جگہ بنائی۔

انہوں نے اپنی شاندار فارم کو جاری رکھتے ہوئے صرف 24 منٹ میں مارٹینا کو سیدھے سیٹوں میں 21-7، 21-9 سے شکست دی۔