میہولی، تشار نے مکسڈ ڈبلز میں گولڈ جیتا

چانگون (جنوبی کوریا)، 13 جولائی (یو این آئی) ہندوستان کے میہولی گھوش اور شاہو تشار مانے نے بدھ کو یہاں آئی ایس ایس ایف ورلڈ کپ میں ہنگری کو شکست دے کر 10 میٹر ایئر رائفل مکسڈ ٹیم گولڈ میڈل جیت لیا۔

میہولی اور تشار نے اس ٹورنامنٹ کا اپنا



دوسرا گولڈ میڈل جیتنے کے لیے ہنگری کی ایزٹر میزاروس استوان پینی کی جوڑی پر 17-13 سے جیت درج کی۔

ہندوستانی جوڑی 60 شاٹس کوالیفکیشن راؤنڈ میں 634.3 پوائنٹس کے مجموعی اسکور کے ساتھ پہلے نمبر پر رہی، جبکہ دوسرے نمبر پر موجود ہنگری نے 630.3 پوائنٹس حاصل کیے۔