شبمن گل کو ٹیسٹ ٹیم کی کمان، دورہ انگلینڈ کے لیے ہندوستانی ٹیم کا اعلان

دہلی،24 مئی (ذرائع) ہندوستانی کرکٹ ٹیم کو اگلے ماہ انگلینڈ کا دورہ کرنا ہے جہاں اسے میزبان ٹیم کے خلاف پانچ میچوں کی ٹیسٹ سیریز کھیلنی ہے۔اس سیریز کے لیے 24مئی (ہفتہ) کوہندوستانی ٹیم اور نئے ٹیسٹ کپتان کا اعلان کردیا گیا۔ 18 رکنی ٹیم کی کمان شبمن گل کو سونپ دی گئی ہے۔ جب کہ وکٹ کیپر رشبھ پنت کو



نائب کپتان بنایا گیا ہے۔

آئی پی ایل 2025 میں شاندار کارکردگی کا مظاہرہ کرنے والے سائی سدرشن اور تیز گیند باز ارشدیپ سنگھ کو پہلی بار ٹیسٹ ٹیم میں جگہ ملی ہے۔ طویل عرصے بعد واپسی کرنے والے کرونا نائر کو بھی ٹیم میں منتخب کیا گیا ہے۔فاسٹ بولر محمد شامی کو فٹنس وجوہات کی بنا پر ٹیم میں جگہ نہیں مل سکی ہے۔