اپنے پہلے ہی میچ میں پلیئرآف دی میچ بننا شاندار تجربہ ہے:شریئس ائیر

کانپور 29 نومبر (یو این آئی) ہندوستان اور نیوزی لینڈ کے درمیان پیر کو ڈرا ہونے والے پہلے ٹسٹ میں پلیئرآف دی میچ بنے ایئر نے میچ کے بعد کہا کہ اپنے پہلے ہی میچ میں یہ انعام حاصل کرنا شاندار ہے، لیکن اگر ہم میچ جیت جاتے تو یہ اوربھی بہترہوتا۔

اپنے ڈیبیو ٹیسٹ کی پہلی اننگ میں سنچری اوردوسری میں نصف سنچری بنانے والے پہلے ہندوستانی بلے باز بنے ائیرنے کہا، ’’پچ گیند بازوں کے لیے اتنی مددگار نہیں تھی، پھر بھی ہمارے گیند بازوں نے بہترین کھیل دکھایا۔

میں سیزن بائی سیزن اور جتناممکن ہوسکے اتنی گیند کھیلنا چاہتا تھا۔