ورون اور سندیپ کے کورونا سے متاثر ہونے کی وجہ سے بنگلورو۔کولکتہ کا مقابلہ ملتوی

احمدآباد، 03 مئی (یواین آئی)کولکتہ نائٹ رائڈرس (کے کے آر) کے اسپنر ورون چکروتی اور تیزگیندباز سندیپ واریر کے کورونا سے متاثر ہونے کی وجہ سے رائل چیلنجرس بنگلور (آر سی بی) اور کے کے آر کے بیچ یہاں ہونے والا آئی پی ایل 14 کا 30 واں مقابلہ ملتوی کردیا گیا ہے ہندوستانی کرکٹ کنٹرول



بورڈ (بی سی سی آئی) نے ورون اور سندیپ کے کورونا سے متاثر ہونے کے بعد یہ مقابلہ ملتوی کئے جانے کی تصدیق کی ہے۔

اطلاع کے مطابق کورونا کا معاملہ تب سامنے آیا ، جب ورون چکروتی کو پیٹ کی پریشانی کی وجہ سے اسپتال لے جایا گیا۔

بعد میں کورونا ٹسٹ میں سندیپ بھی وائرس سے متاثر پائے گئے۔