جگتیال میں نوجوان برقع پہن کر سوشل میڈیا ریل بناتے ہوئے پکڑا گیا

تلنگانہ 18 فروری 2026 (اعتماد نیوز) تلنگانہ کے جگتیال ضلع میں سوشل میڈیا ریلز کے شوق نے ایک نوجوان کو ایسی حرکت پر مجبور کر دیا جس نے سب کو حیران کر دیا۔ نوجوان نے برقع پہن کر کورٹلہ بس اسٹینڈ پر مشتبہ انداز میں چکر لگانے شروع کیے تو وہاں موجود عملے کو شک ہوا اور اسے



فوراً قابو میں لے لیا گیا۔جب حقیقت سامنے آئی تو سب دنگ رہ گئے—نوجوان نے اعتراف کیا کہ وہ صرف سوشل میڈیا پر ریل بنانے کے لیے یہ ڈرامہ کر رہا تھا۔ واقعہ کے بعد عملے نے اسے پولیس کے حوالے کر دیا، جہاں اس سے مزید پوچھ گچھ جاری ہے، جبکہ شہریوں میں اس حرکت پر حیرت کے ساتھ تشویش بھی پائی جا رہی۔