دنیا پہلے ہندوستان کو سنجیدگی سے سنتی تھی: کانگریس

نئی دہلی، 11 جون (یو این آئی) کانگریس نے کہا کہ پہلے ہندوستان کی اپنی خارجہ پالیسی رہی ہے اور دنیا ہماری بات سنجیدگی سے سنتی تھی لیکن آج صور تحال ایسی ہے کہ دنیا پہلگام دہشت گردانہ حملے کی مذمت تو کرتی ہے لیکن کوئی بھی ملک ہندوستان کے ساتھ کھڑا نہیں ہوا۔ کانگریس کے سینئر لیڈر اور چھتیس گڑھ کے سابق وزیر اعلی بھو پیش بگھیل نے بدھ کے روز یہاں پارٹی ہیڈ کوارٹر میں پر یس کا نفرنس میں کہا کہ پنڈت جواہر لعل نہرو کے دور سے لے کر ڈاکٹر منموہن سنگھ کے دور تک ملک کی خارجہ پالیسی میں کبھی کوئی تبدیلی نہیں آئی، جس کی وجہ سے پوری دنیا کے ا دنیا کے لوگ ہندوستان



کی بات کو سنجیدگی سے سنتے تھے اور ہم سے وابستگی بھی رکھتے تھے۔ 

انہوں نے کہا کہ آج حالات پوری طرح بدل چکے ہیں۔ صور تحال یہ ہے کہ پہلگام میں دہشت گردانہ حملہ ہوا۔ دہشت گردی کے اس واقعے کو پوری دنیا نے مذموم قرار دیا لیکن اس واقعے پر کوئی ملک ہمارے ساتھ نہیں کھڑا ہوا۔ اس کے علاوہ، ہندوستان اور پاکستان کے در میان تنازعہ کے دوران، امریکی صدر ڈونالڈ ٹرمپ نے آدھا گھنٹہ پہلے ٹویٹ کیا کہ " میں نے جنگ بندی کرادی ہے۔ "مسٹر ٹرمپ نے یہ بات کئی بار کہی، جس کی وجہ سے پوراملک اپنی توہین محسوس کر رہا ہے۔ اس سے پہلے ہندوستان نے کبھی کسی دوسرے ملک کی ثالثی قبول نہیں کی تھی۔