ڈاووس میں ورلڈ اکنامک فورم: چیف منسٹر ریونت ریڈی کی عالمی سرمایہ کاروں سے اہم ملاقاتیں

سوئٹزرلینڈ کے شہرڈاوس میں جاری ورلڈ اکنامک فورم کے موقع پر تلنگانہ پویلین میں چیف منسٹر اے ریونت ریڈی نے ممتاز کارپوریٹ نمائندوں اور عالمی سرمایہ کاروں سے اہم ملاقاتیں کیں ان ملاقاتوں میں کئی بڑی کمپنیوں کے نمائندوں نے ریاست تلنگانہ میں کاروبار شروع کرنے اور بڑے



پیمانہ پر سرمایہ کاری کرنے میں گہری دلچسپی کا اظہار کیا ہے۔ تلنگانہ رائزنگ کے عزم کو مزید تقویت دیتے ہوئے، عالمی صنعت کاروں نے ریاست کے بہتر تجارتی ماحول اور سرکاری پالیسیوں کی ستائش کی۔ چیف منسٹر نے کہا کہ تلنگانہ میں سرمایہ کاری کے لئے عالمی کمپنیوں کا آگے آنا ایک خوش آئند قدم ہے جس سے ریاست کی معاشی ترقی کو نئی رفتار ملے گی۔