سوریاپیٹ میں گھر نہ ملنے پر خاتون کی خودکشی کی کوشش

تلنگانہ (16 اپریل 2026) سوریاپیٹ ضلع میں منعقدہ “پرجاپالنہ پراگتی پروجیکٹ” اجلاس کے دوران افسوسناک واقعہ پیش آیا، جہاں اندرماں گھر نہ ملنے پر دل برداشتہ خاتون نے زہریلی دوا پی کر خودکشی کی کوشش کی۔اطلاعات کے مطابق اجلاس کے دوران ہی یہ واقعہ اس وقت پیش آیا جب خاتون نے ضلع کلکٹر کے سامنے ہی یہ قدم



اٹھایا۔ اسے فوری طور پر کوڈاڈا سرکاری اسپتال منتقل کیا گیا۔بتایا جا رہا ہے کہ تاڑوائی گاؤں کو اندرماں ہاؤسنگ پائلٹ پروجیکٹ کے طور پر منتخب کیا گیا تھا، تاہم خاتون کا الزام ہے کہ اس کے نام پر گھر منظور ہونے کے باوجود اسے کسی اور کو دے دیا گیا، جس پر وہ شدید ذہنی دباؤ کا شکار ہوگئی۔پولیس نے واقعے کی تحقیقات شروع کر دی ہیں۔