تلنگانہ 2 فروری 2026 (اعتماد نیوز) ورنگل کے توررور پولیس اسٹیشن میں سابق وزیر ای دایاکر راؤ سمیت مزید 33 افراد کے خلاف مقدمہ درج کرلیا گیا ہے۔ پولیس نے ان کے خلاف بی این ایس کی دفعات 189(2)، 223، 126(2)، 132 اور 190 کے تحت کیس درج کیا ہے۔مقدمہ انتخابی ضابطۂ اخلاق کی خلاف ورزی اور پولیس کی سرکاری ذمہ داریوں میں رکاوٹ ڈالنے کے
الزامات پر درج کیا گیا ہے۔ یہ کارروائی بی آر ایس کی جانب سے کےسی آر کو ایس آئی ٹی نوٹس جاری کیے جانے کے پس منظر میں کل کھمم۔ورنگل قومی شاہراہ پر کیے گئے احتجاج کے بعد عمل میں آئی۔احتجاج کے دوران چیف منسٹر ریونت ریڈی کا پتلا نذرِ آتش کرنے کی کوشش کے موقع پر مظاہرین اور پولیس کے درمیان تلخ کلامی بھی ہوئی، جس کے بعد صورتحال کشیدہ ہوگئی۔