کیرالا، آسام اور پڈوچیری میں ووٹنگ جاری، سکیورٹی کے سخت انتظامات

آسام 9 اپریل 2026 (اعتماد نیوز) کیرالہ، آسام اور مرکز کے زیر انتظام علاقے پڈوچیری میں اسمبلی انتخابات کے لیے پولنگ شروع ہو گئی ہے۔ ووٹنگ صبح 7 بجے شروع ہوئی اور شام 6 بجے تک جاری رہے گی، جب کہ نتائج کا اعلان 4 مئی کو کیا جائے گا۔ کیرالہ کی تمام 140 اسمبلی سیٹوں پر ووٹنگ جاری ہے، جہاں برسراقتدار ایل ڈی ایف تیسری بار اقتدار حاصل کرنے کی کوشش کر رہی ہے، جب کہ یو ڈی ایف اور این ڈی اے کے درمیان سخت مقابلہ



ہے۔ ریاست میں 2.71 کروڑ سے زیادہ ووٹر اپنے حق رائے دہی کا استعمال کر رہے ہیں۔ آسام کی 126 سیٹوں پر بھی ایک ہی مرحلے میں پولنگ ہو رہی ہے، جہاں این ڈی اے اور انڈیا الائنس کے درمیان سخت مقابلہ دیکھا جا رہا ہے۔ پڈوچیری کی 30 اسمبلی سیٹوں پر بھی ووٹنگ جاری ہے، جہاں این ڈی اے اور کانگریس-ڈی ایم کے اتحاد کے درمیان مقابلہ ہے۔ الیکشن کمیشن نے سیکیورٹی کے سخت انتظامات کرتے ہوئے ڈرون کے ذریعے نگرانی کا نظام بھی قائم کیا ہے۔