اتر پردیش 5 اپریل 2026 (اعتماد نیوز) اترپردیش کے آگرہ میں ٹرانسپورٹ تاجر اصغر علی کی مشتبہ حالت میں موت ہو گئی۔ گھر والوں نے جی ایس ٹی عہدیداروں پر قتل کا الزام لگاتے ہوئے کہا کہ یہ حادثہ نہیں بلکہ منصوبہ بند کارروائی ہے، جبکہ پولیس نے نعش کو پوسٹ مارٹم کے لیے بھیج کر تحقیقات شروع کر دی
ہیں۔اصغر علی نے چند دن قبل ایک عہدیدار کے خلاف رقم وصولی کی شکایت درج کروائی تھی۔ گھر والوں کا کہنا ہے کہ شکایت کے بعد سے انہیں دھمکیاں مل رہی تھیں۔ گزشتہ رات جی ایس ٹی عہدیداروں نے ان کی گاڑی روک لی تھی، جس کے چند گھنٹوں بعد ان کی نعش سڑک پر ملی۔ پولیس کا کہنا ہے کہ تحریری شکایت ملنے کے بعد مزید کارروائی کی جائے گی۔