ٹی ایس آر ٹی سی کا ریاست بھر کے 86 اہم بس اسٹیشنوں کو ماڈل بس اسٹیشنوں میں تبدیل کرنے کا فیصلہ

ذرائع:

تلنگانہ اسٹیٹ روڈ ٹرانسپورٹ کارپوریشن  نے ریاست بھر میں روزانہ 5 ہزار سے زائد مسافروں کی آمد و رفت والے 86 اہم بس اسٹیشنوں کو جدید سہولتوں سے آراستہ ماڈل بس اسٹیشنوں میں تبدیل کرنے کا فیصلہ کیا ہے۔ ان اسٹیشنوں پر مسافروں کی رہنمائی کے لیے کنٹرولر، خصوصی انکوائری اور رابطہ نمبرات قائم کئے گئے ہیں، جبکہ بسوں کے اوقات کے نئے بورڈس بھی نصب کئے جائیں گے۔



پہلی اور آخری بس کی روانگی کی اطلاع دینے کے لیے پبلک ایڈریس سسٹم بھی فراہم کیا گیا ہے۔ اس کے علاوہ تمام بس اسٹیشنوں پر سی سی ٹی وی کیمرے نصب کرکے انہیں علاقائی اور مرکزی دفاتر سے منسلک کیا جائے گا تاکہ مسافروں کی حفاظت اور بھیڑ کی نگرانی کو یقینی بنایا جاسکے۔ آر ٹی سی کے ایم ڈی وائی ناگی ریڈی نے کہا کہ مسافروں کو محفوظ اور آرام دہ سفری سہولتیں فراہم کرنا ادارے کی اولین ترجیح ہے۔