ممتا-سونیا ملاقات کے بعد ٹی ایم سی اور کانگریس انضمام کی قیاس آرائیاں

ترنمول کانگریس (ٹی ایم سی) کے کانگریس میں ممکنہ انضمام کی قیاس آرائیاں زور پکڑ گئی ہیں۔ اطلاعات کے مطابق ممتا بنرجی نے حال ہی میں سونیا گاندھی سے ملاقات کی، جس میں بنگال اور قومی سیاست پر تبادلہ خیال کیا گیا۔

ذرائع کا کہنا ہے کہ مغربی بنگال میں ٹی ایم سی کو درپیش سیاسی چیلنجوں اور رہنماؤں کی مسلسل علیحدگی کے تناظر میں سونیا گاندھی



نے مبینہ طور پر ٹی ایم سی کو کانگریس میں ضم کرنے کی تجویز دی۔ تاہم ممتا بنرجی نے فوری فیصلہ کرنے کے بجائے مزید وقت طلب کیا ہے۔

رپورٹس کے مطابق ممکنہ انضمام کی صورت میں ممتا بنرجی کو کانگریس کا قومی نائب صدر اور ابھشیک بنرجی کو جنرل سکریٹری بنانے کی پیشکش بھی زیر غور آئی۔ سیاسی مبصرین کے مطابق آنے والے دنوں میں اس معاملے پر مزید وضاحت سامنے آسکتی ہے۔